Teksa po afrohet dasma e Meghan Markle dhe Princit Harry, njerëzit kanë nisur të spekulojnë se letra e pëlqimit të Mbretëreshës, zbulon në fakt se Kate Middleton është e preferuara e saj.
Në mënyrë që të bëhej dasma, Mbretëresha duhej të jepte miratimin e saj zyrtar si pjesë e Aktit Mbretëror të Martesave të vitit 1772, i cili kërkon lejen e mbretit për çdo martesë mbretërore.
Kështu ajo shkroi një letër pëlqimi që u zbulua në një mbledhje të Këshillit në Buckingham Palace. Menjëherë njerëzit filluan të spekulojnë se letra provon se Mbretëresha do më shumë Kate.
Në të shkruhej: “Unë deklaroj pëlqimin tim për një kontratë martesore midis nipit më të dashur, princit Henrik Charles Albert David nga Uellsi dhe Rachel Meghan Markle”.
Shumë nisën ta krahasonin letrën me atë të shkruar nga Mbretëresha për Kate Middleton në vitin 2011 – e cila i referohej Kate-it si ” të besueshmen dhe të dashurën Catherine Elizabeth Middleton”, ndërsa Meghan thjesht quhet “Rachel Meghan Markle”.
Edhe pse teksti në fillim duket i dyshimtë, rezulton se letrat në fakt janë për dy raste të ndryshme.
Letra e miratimit të Kate ishte në të vërtetë nga Instrumenti i Pëlqimit, i cili ndodh më afër ditës së dasmës dhe jo nga Karta e Deklarimit sikurse ishte e Meghan.
Kur e krahasojmë letrën e Kartës së Deklarimit për Dukeshën e Kembrixhit, përdoret e njëjta gjuhë – thjesht duke iu referuar si “Catherine Elizabeth Middleton”.
Burimi: The Independent
