Debati publik mes moderatores Ilda Bejleri dhe opinionistit Mustafa Nano ka marrë përmasa të tjera. Kritika e nisur nga analisti në fillim të muajit mars lidhej me veshjen dhe zbulimin e gjoksit nga ana e moderatores, të cilën ai e cilësoi “qenie vulgare”.
Ndërsa debati vijoi prej kohësh në mënyrë virtuale mes tyre, tashmë Ilda ka vendosur që t’i japë një zgjidhje ligjore.
Ndoshta, fakti që është një personazh publik dhe për më tepër kur etiketime të tilla bëhen hapur në ekran, kanë qenë shtysa kryesore që Ilda Bejleri t’i jap një përgjigje ligjore çështjes, që ka mbushur prej ditësh titujt e mediave online.
Përmes “Instastory”-t ajo ka shkruar: “Meqenëse ‘polici’ njihte dhe pëlqente vetëm Ilaria D’amico-n, ose gruan e Buffon. Me policin e penduar shihemi në gjyq, sepse askush nuk ka të drejtë t’i flasë askujt me atë gjuhë, për më tepër në një televizion. Të gjithë ju që shqetësoheni për veshjet, a e keni pyetur veten çfarë mënyre të foluri po u mësoni fëmijëve tuaj?? Për fat të mirë nuk jemi në ‘Albanistan’, por në një kryeqytet europian dhe në një vend të bekuar që quhet Shqipëri”.
Burimi: Instagram
