Nëse do t’ju kërkonim një listë me meshkujt e famshëm shqiptarë që preferoni më tepër, me siguri që nuk do t’ju dilte një fletë formati A4.
Janë kaq shumë artistë shqiptarë që njihen e pëlqehen në të gjitha trevat shqiptare. Por ata që s’njohim janë familjarët e tyre. Iconstyle.al sjell sot vëllezërit e meshkujve të famshëm shqiptarë që ndoshta nuk kanë famën e tyre, por janë të pashëm dhe seksi.
Alban, Taulant, Martin dhe Arbër Skënderaj
Jo më kot e vendosëm të parin në listë. Albani nuk ka një por ka tre vëllezër që ngjajnë shumë me njëri-tjetrin dhe janë tërheqës. Me siguri e mbani mend vëllain e vogël të Alban Skënderajt, Taulanti, i cili dy vite më parë u aksidentua. Ai u rikuperua shpejt dhe tashmë gëzon shëndet të plotë. Por Albani ka dhe dy vëllezër të tjerë, Martinin dhe Arbërin, të cilët gjithashtu e kanë gjetur shpirtin e tyre binjak. Ehh, kësaj i thonë një familje e madhe!
Dren dhe Art Abazi
I vogli Art Abazi ka ndjekur rrugën e vëllait Dren në muzikë. Ai thotë se është shumë i ndryshëm nga Dreni dhe se i bashkon vetëm ngjyra e syve, por ne na duket e kundërta. Arti e ka nisur karrierën muzikore vite më parë. ndërsa për fizikun, ç’tju themi më tepër. Shih me sy e plas me zemër!
Romeo, Donald dhe Mario Veshaj
Binjakët e famshëm të Al Pazar, Romeo dhe Donald kanë dhe një vëlla më të vogël, që ndoshta mund të mos ta njihni por është po aq i pashëm dhe seksi. Mario, i vogli i familjes, është shumë krenar për karrierën e dy vëllezërve dhe e shohim shpesh që publikon foto dhe video nga dy binjakët.
Getoar dhe Liberian Selimi
Ngjashmëria e motrave Vjollca është e dukshme, por jo të gjithë e dinë që partneri i Marinës, Getoari ka gjithashtu një vëlla që i ngjan shumë. Liberian quhet vëllai i Getoarit, i cili jeton në Kosovë dhe ka pasion fotografinë. Ai madje realizon shpesh herë fotot që Getoari poston në rrjetet sociale. Liberiani ka dhe një studio produksioni, dhe punon me këngëtarë të njohur të skenës shqiptare.
