Martin Shkreli, i cili u bë shqiptari i parë më i urryer në Amerikë, u dënua me shtatë vite burg. E gjitha nisi në 2015-n, kur ai vendosi rritjen shumëfish të çmimit të një ilaçi mjaft të kërkuar, kundër kancerit dhe AIDS.
34-vjeçari Shkreli u shfaq i penduar përpara gjykatëses amerikane, Kiyo Matsumoto, në Gjykatën Federale në Brooklyn të Nju-Jorkut. Avokati i tij u kërkoi gjyqtarëve të vendosnin një ndëshkim prej 12-18 muajsh, ndërkohë që prokurorët kërkuan të paktën 15 vite burg.
Në fund, Martin Shkrelit iu dhanë shtatë vjet burg nga gjykatësi i rrethit të SHBA, Kiyo Matsumoto, pasi u dënua vitin e kaluar për gënjeshtra ndaj investitorëve në dy fonde të dështuara.
Shkreli bërtiti pasi gjykatësit dha vendimin dhe deklaroi se ka bërë shumë gabime dhe kërkoi falje. Shkreli u dënua mbi akuzat e mashtrimit me letrat me vlerë në dhjetor të vitit 2015. Por, në seancën dëgjimore, ai la të kuptohej se “kishte mësuar nga gabimet e tij”.
Në shtator të 2015-s u raportua se, Shkreli bleu monopolin e një ilaçi jetik kundër SIDA-s dhe kancerit dhe e çoi brenda ditës çmimin nga 13 në 750 dollarë, për një pilulë të vetme.
