Lori Hoxha është frymëzim për shumë të rinj me stilin e saj të veçantë të veshjes. Gjithçka që ajo vesh kthehet menjëherë në trend.
Ditët e fundit trashëgimtarja e “Top Channel” ka qenë në qendër të vëmendjes mediatike për pushimet e saj luksoze në ishujt Maldive, por edhe për performancën e saj në komentimin e ndarjes së çmimeve “Oscar”.
Dje Lori ka publikuar një foto në “Instagram” ku shfaqet e veshur me markat më të shtrenjta duke marrë me qindra komente nga ndjekësit. Por për fat të keq, jo të pakta janë rastet ku blogerja bëhet pjesë e “sulmeve” në “Instagram”, ku ndjekësit i përmendin jetën e shtrenjtë dhe ndërhyrjet kirurgjikale në pamjen e saj.
Një prej ndjekëseve dje e ka akuzuar Lorin se fytyra e saj është gjithë botoks.
“Fytyra gjithë botoks…Buzët e bëra…Dhe prapë dukesh natyrale në sytë e meshkujve”, i ka komentuar një fanse Lorit.
Me sa duket durimi i blogeres së njohur është sosur dhe i ka kthyer përgjigje ndjekëses në mënyrën më të keqe të mundshme.
“S’ka botoks në fytyrën time. Mbylle atë dreq goje. Jam vetëm 24 vjeç. Nuk më duhet”, ia ka kthyer Lori duke shprehur qartë nervozizmin e saj.
