Menaxheri i njohur, Faton Shoshi pas ndarjes nga Era Istrefi është përfolur vazhdimisht për nisjen e një lidhje të re. Prej disa kohësh po qarkullojnë zërat se midis tij dhe modeles Vildane Zeneli ka nisur një histori dashurie.
Komentet e ndryshme në rrjetet sociale apo dhe disa foto të kapura nga paparacët ku Vildane dhe Fatoni shfaqen së bashku kanë ngritur dyshimet se midis tyre ka më shumë se sa shoqëri.
Nga ana e tyre nuk kemi ende asnjë reagim, mirëpo fansat nuk i kanë lënë pa vënë re flirtet e tyre në rrjete sociale.
Në një foto të fundit të postuar nga Vildane në “Instagram”, Fatoni ka komentuar menjëherë me një emoji me zemra, nga ana tjetër edhe modelja i është përgjigjur me të njëjtën mënyrë.
Faton Shoshi pak javë më parë në një intervistë për “Prive” deklaroi publikisht edhe ndarjen nga Era Istrefi.
