Dashi
Pranvera është periudha gjatë së cilës të lindurit e shenjës së Dashit ndihen zota të zodiakut. Venusi dhe Mërkuri do të kalojnë në shenjën tuaj ditën e martë dhe ju do të shikoni se marrëdhëniet miqësore do të përmirësohen. Gjatë kësaj periudhe do të tregoheni më të vendosur se kurrë. Në fundjavë do të jeni në humor të shkëlqyer, por rrezikoni të bëheni tepër ambiciozë dhe nuk do të jeni në gjendje t’i dilni për zot gjithçkaje.
Demi
Kjo do të jetë një periudhë qetësie e yjeve kundrejt shenjës tuaj, por mos u ndjeni të lënë pas dore. Përpiquni të jeni sa më të qetë gjatë kësaj kohe, sepse Venusi, Mërkuri dhe Jupiteri do të largohen nga shenja juaj dhe do të jeni të detyruar që t’i shtyni për më vonë projektet tuaja. Në fundjavë dikush mund t’ju nxitë që të reagoni, por ju bëni vetëm atë që ju duket e drejtë.
Binjakët
Fati juaj ndryshon në varësi të ndikimit të yjeve. Do t’ju takojë ju që gjatë ditëve në vazhdim të mblidhni forcat dhe të reagoni, ndërkohë që të tjerët do t’i ulin ritmet. Venusi dhe Mërkuri do të ndikojnë pozitivisht në shenjën tuaj dhe ju do të ndiheni protagonistë. Java premton të jetë e mbarë, por të dielën ju mund të ndiheni disi alergjikë ndaj rregullave dhe s’do t’i keni shumë për zemër ata që do të kërkojnë një angazhim më të madh prej jush.
Gaforrja
Ju me siguri jeni nga ata njerëz që dinë t’i marrin përsipër përgjegjësitë e veta pa u munduar shumë. Gjatë kësaj jave do t’ju duhet të angazhoheni më shumë në aspektin profesional, duke lënë disi pas dore argëtimin. Do t’ju duhet të përpiqeni me të gjitha forcat tuaja për t’iu përshtatur situatës. Do të jetë e vështirë, por jo e pamundur, që të besoni në të ardhmen.
Luani
Më në fund qielli ju ofron diçka konkrete në të cilën të besoni dhe të shpresoni. Do të ndiheni entuziastë dhe besimplotë për të ardhmen. Duke filluar nga dita e martë, Venusi dhe Mërkuri do të jenë aleatë të shenjës tuaj dhe gjithçka do t’ju ecë mbarë në aspektin profesional e personal. Mund të ndjeni pasiguri si pasojë e ndikimit të Jupiterit, por me Plutonin në shenjë ditën e diel ju do t’ju shohin me zili.
Virgjëresha
Ditën e martë Venusi dhe Mërkuri do të largohen nga shenja juaj, për të kaluar në atë pasuesen, dhe ju do të ndiheni përnjëherë të lehtësuar. Gjithçka do të ecë mirë në aspektin e ndjenjave. Largimi i Jupiterit nga shenja juaj ditën e premte mund t’i shkaktojë gjendje pasigurie një personi pranë jush. Yjet ju këshillojnë që t’i toleroni pasiguritë e të tjerëve dhe të mos pretendoni maksimumin prej tyre.
Peshorja
Si t’ia bëni kur e keni të pamundur të ecni me ritmin e kohës? Mjafton që ta merrni punën ngadalë dhe të mos nguteni atëherë kur nuk mundeni t’u dilni gjërave për zot. Venusi dhe Mërkuri nuk do të jenë në shenjën tuaj gjatë kësaj jave dhe është e këshillueshme t’u kushtoni vëmendje më të madhe çështjeve që ju shqetësojnë. Bllokimi i Jupiterit do të bëjë që të vihen në diskutim edhe cilësitë tuaja më të mira.
Akrepi
Deri më tani keni qenë të përkëdhelurit e yjeve, por ka ardhur momenti që të viheni në provë që të kuptoni cilët jeni dhe çfarë synoni të arrini. Do të hasni vështirësi në aspektin e ndjenjave dhe për sa u takon veprimtarive praktike, sepse Venusi dhe Mërkuri do të largohen nga shenja juaj. Edhe Jupiteri në shenjën tuaj mund t’ju bëhet pengesë për të vazhduar përpara. Të dielën është e këshillueshme të tregoheni të vetëpërmbajtur.
Shigjetari
Po fillonit të ndiheshit të lodhur për faktin se ju duhej të angazhoheshit shumë pa pasur forcën e nevojshme për të bërë ndryshime. Marsi dhe Jupiteri janë tërhequr disi nga shenja juaj dhe ju do ta merrni punën me ngadalë. Mërkuri dhe Venusi do të kalojnë në shenjën tuaj ditën e martë dhe gjërat do t’ju ecin mbarë në aspektin e ndjenjave. Ju këshillohet t’i përkushtoheni një raporti të rëndësishëm për ju.
Bricjapi
Falë pranisë së Saturnit në shenjën tuaj, ju do të ndiheni më të fortë dhe do të ndjeni se nuk ju mungon asgjë e rëndësishme. Për fat të keq, planetët e tjerë do të jenë më të largët për shenjën tuaj gjatë kësaj jave. Duke filluar nga dita e martë, Venusi dhe Mërkuri nuk do të ndikojnë për mirë, duke jua ndërlikuar marrëdhëniet shoqërore. Do të ndiheni pesimistë edhe për faktin se nuk do ta keni Jupiterin në shenjë. Mjaft u shqetësuat për gjithçka dhe merrini gjërat me qetësi.
Ujori
Më në fund të lindurit e kësaj shenje dinë si ta gjejnë entuziazmin dhe optimizmin për të përballuar të tashmen, që mund të mos jetë dhe aq pozitive, por tek e cila mund të mbështetemi gjithsesi. Të martën, Venusi dhe Mërkuri në shenjë do t’ju dhurojnë ëmbëlsi. Ndërsa falë ndikimit të Jupiterit projektet tuaja mund të shtyhen për më vonë apo dhe të anulohen. Në fundjavë tregohuni të matur dhe mbështetuni vetëm te vetja juaj.
Peshqit
Thuhet se, për fat të keq, gjërat e bukura mbarojnë shpejt. Të martën, Venusi dhe Mërkuri do të largohen nga shenja juaj, ndërsa të enjten do të jetë Jupiteri që do të tërhiqet, duke shkaktuar konfuzion dhe pasiguri te ju. Me pak fjalë, qielli nuk do të jetë aleat i fortë i të lindurve të shenjës së Peshqve, por ju do të tregoni se nuk dorëzoheni duke vepruar me entuziazëm. Reagimi juaj është për t’u vlerësuar.
