Mediat turke shkruajnë se, Burak Ozcivit dhe Fahriye Evcen po jetojnë nën një çati si dy persona të huaj.
Shkaku është xhelozia e tepruar e aktorit, i cili i ka ndaluar shumë gjëra bukuroshes turke ndërsa së fundi, duket se i ka kaluar të gjitha kufijtë.
Ai nuk kishte pranuar që të shoqërohej nga bashkëshortja në ceremoninë e ndarjes së çmimeve të edicionit turk të revistës “GQ”.
Kur u pyet se pse nuk ishte i shoqëruar nga Evcen, aktori pohoi se shkak ishin angazhimet filmike të bashkëshortes.
Megjithatë, në momentin që po iu përgjigjej gazetarëve aktori, Evcen publikoi një fotografi në profilin personal në Instagram me mesazhin se ishte duke pushuar në shtëpi. Ajo e fshiu menjëherë foton ndaj mediat nisën të aludojnë se çifti ka prishur marrëdhëniet dhe pritet që shumë shpejt të shkurorëzohen, vetëm një vit pas martesës.
