Kryeministri Edi Rama e ka ndarë mendjen se nuk do të heqë dorë nga atletet edhe kur vishet me kostum. Tani që mund të flini të qetë, le tu hedhim një sy modeleve të atleteve që kryeministri shqiptar preferon.
I ftuar mbrëmë në emisionin “Debati në Channel One”, Rama është shfaqur me një palë atlete sportive, ndryshe si jemi mësuar ta shohim.
Kreu i qeverisë ka ndryshuar modelin e atleteve, por jo markën. Ai vijon të mbetet fans i “Adidas” dhe modeleve të atleteve me gomë poshtë.
Rama e ka treguar më herët që vuan prej kohësh nga hernia diskale dhe ndoshta kjo është një arsye e dytë përse ai vendos të zgjedhe atlete të rehatshme dhe me gomë për tabanin e këmbës.
Megjithëse kjo është një një arsye e rëndësishme, kryeministri gjithmonë ka spikatur për stilin e tij të veçantë të veshjes.
