Koncerti i Rita Orës në Prishtinë, ishte aq madhështor sa edhe largimi i saj nga Kosova.
Me të mbaruar koncerti, 27-vjeçarja u largua nga vendlindja e saj për të vijuar me agjendën, ndërsa një ditë më pas u pa e pranishme në ceremoninë e ndarjes së çmimeve BAFTA.
Në videon e publikuar në Instagram, shihet eskorta që e shoqëron këngëtaren drejt Aeroportit “Adem Jashari” para largimit nga Kosova.
Derisa këndon duke bërë shaka, ajo thotë se gjendjen e saj aktuale mund ta quajë si “femrat që udhëheqin në vitin 2018”.
“Jemi këtu për të mbetur. Jemi këtu dhe nuk po shkojmë askund”, dëgjohet duke thënë këngëtarja në xhirim.
“Një moment i vogël që pata me veten, pas një koncerti mahnitës që pata”, ka shkruar Rita në përshkrimin e publikimit të saj teksa bën tag, fjalën “lëvizje bosi”.
Rikujtojmë se këngëtarja e famshme ishte në Prishtinë për të kryesuar koncertin festiv për dhjetëvjetorin e Pavarësisë së Kosovës.
Mijëra njerëz iu përgjigjën ftesës për të festuar në qendër të kryeqytetit duke bërë që gjithçka të dukej madhështore.
