Aksidenti i rëndë i ndodhur mbrëmjen e djeshme në aksin rrugor Shkodër-Velipojë na preku të gjithëve. Një aksident ku fatkeqësisht humbën jetën 3 pjesëtar të një familje, Edmond Preka 40-vjeç, djali 6 muajsh dhe vajza 5-vjeçe. Ndërkohë është duke luftuar me jetën bashkëshortja e tij, Ervisa, 36-vjeçe dhe vajza Noemi, 10-vjeçe.
Gjendja shëndetësore e Noemit është e rëndë dhe mjekët janë shprehur se janë të pakta shanset që ajo të mbijetojë.
Personazhet e njohur shqiptar i janë bashkuar dhimbjes së familjes Preka. Ndër ta është edhe moderatori Ardit Gjebrea, i cili përmes një statusi në “Facebook” ka ndarë dhimbjen e tij me ndjekësit dhe i lutet Zotit që të shpëtojë nëna dhe vajza.
“Sapo lexova për aksidentin në rrugën Shkodër -Velipojë… Ka humbur jetën një baba me djalin 8 muajsh dhe më vonë edhe vajza 5 vjeçe. Ndërkohë bashkëshortja e tij dhe vajza tjetër 10 vjeçare po luftojnë me vdekjen. Çfarë dhimbje ndjeva!
Gjysmohet një familje me rrezikun të shuhet fare!
Nuk i njoh, por fort po lutem: Prehuni në paqe dhe Zot shpëtoje vajzën me nënën!”, shkruan Arditi në postimin e bërë në “Facebook”.
