Rosela Gjylbegu dhe Enca një javë më parë u bënë pjesë e një sherri që tërhoqi vëmendjen e të gjithëve.
Në një ndër lojërat e emisionit “Shiko kush Luan” Rosela u pyet se me cilën këngëtare nuk do të bashkëpunonte kurrë, dhe ajo tha emrin e Encës. Kaq mjaftoi dhe Enca filloi menjëherë me deklaratat fyese ndaj Roselës.
“Hahaha as unë s’do bëja kurrë këngë me Beyonce-n. Sot mora vesh se Rosela Gjylbegu qenka akoma gjallë. Gjyshe shko në shtëpi. Asnjeri nuk do të të shikojë ose të bëjë muzikë me ty’, u shpreh ajo.
Pas këtij reagimi nga ana e Encës, Rosela postoi një foto në “Facebook” që na u duk si një kundërpërgjigje ndaj këngëtares.
“Mund të isha bërë shumë gjëra, por zgjodha të jem vetvetja”, shkruan Rosela sipër fotos.
Ndërsa sot ishte e ftuar në emisionin “Kush vjen për drekë”, dhe Arjola Shehu e pyeti Roselën në lidhje me konfliktin në fjalë.
“Mendoj që po ta zgjasim më shumë këtë bisedë do të ishte e tepërt, kështu që nuk kam asnjë koment. Një gjë mund ta them, unë s’jam nga ata njerëz që i pëlqen të bëjë gossip apo zhurmë”, u shpreh Rosela, e cila fillimisht u përpoq ti bënte bisht pyetjes.
Gjithashtu Arjola e pyeti se nëse i erdhi keq që u përfshi në një situatë të tillë, Rosela tha se nuk ndiente keqardhje, pasi kishte ndierë dashurinë që publiku ka për të.
“Personalitetin tim e kam krijuar me sakrifica dhe kam dashur të jem gjithmonë, të respektohem nga publiku. S’më erdhi keq përderisa kuptova se publiku më do shumë”, tha Rosela.
