Të ftuar në emisionin “Rudina” në Tv Klan Sinan Hoxha dhe Andrra Destani kanë rrëfyer historinë e bukur të njohjes së tyre. Ata u gjendën rastësisht në vendin dhe kohën e duhur. Është një nga ato historitë e dashurisë që ëndërron çdo vajzë.
Sinani dhe Andrra janë njohur në një qendër tregtare në Dortmund, pikërisht në një kafene.
“Isha me një shoqen time në një qendër tregtare dhe i kërkuam të bënim një foto. Ndërsa ai filloi të na ngacmonte. Më tha: ‘Je shqiptare apo braziliane?’ Dhe nga aty filloi historia jonë”, rrëfeu Andrra.
Nga ana tjetër edhe Sinani u sigurua që të tregonte versionin e tij të njohjes.
“Ne na ka marrë malli për ato kohë, ne kemi patur një lokal ku shkonim çdo ditë në të njëjtën orë saqë edhe ato gjermanët e dinin dhe na ruanin tavolinën. Andrra me shoqen e saj po vinin të dyja drejt meje dhe unë sapo e kam parë Andrrën për herë të parë në jetën time kam thënë: O Zot sikur të ishte gruaja ime kjo…
Po atë ditë ne u ulëm dhe pimë një kafe pas “shumë lutjesh”, ndërkohë Andrra pickonte shoqen e saj se përse pranoi. Por kjo më ka lodhur mua, pothuajse një vit ka zgjatur periudha e flirtimit dhe pas një viti erdhi puthja e parë. Andrra është nga Kumanova dhe është me shumë tradita. Kushti i saj i parë që Andrra të vinte tek familja ime në Tiranë ka qenë që ne të martoheshim më parë në xhami dhe më pas të vinte tek shtëpia ime. Kur ma tha këtë unë u befasova thash: Çfarë po thotë kjo? Por unë për çdo gjë kam qenë ‘si urdhëron’. Njeri më të turpshëm në dynja nuk kisha parë. Andrra gjithnjë i shmangej puthjes, por pasi dolëm një natë dhe po shkonim në shtëpi kur takova Andrrën devijova dhe e putha në buzë, ai ishte momenti”, rrëfeu Sinani.
Tashmë çifti i njohur i showbiz-it shqiptar e ka zyrtarizuar dashurinë e tyre me martesë dhe janë edhe prindër të një djali.
