Lojërat Dimërore Olimpike nisën në Pyeongchang të premten, me një kërkesë për paqen, e cila është tema kryesore e tyre, që do të mbahet në vendin mes dy Koreve.
Në praninë e 35 mijë spektatorëve në stadiumin Olimpik, nën një temperature -12 gradë në orën 20:00 me orën lokale, kur po zhvillohej ceremonia e Lojërave të 23-të Olimpike, kanë parakaluar pas të 92 shtetet pjesëmarrëse.
Në fund të ceremonisë parakaluan së bashku të dyja Koretë, e Veriut dhe Jugut nën një flamur të vetëm.
Ndërkohë Shqipëria do të marrë pjesë në këto Lojëra Olimpike Dimërore me vetëm 2 sportistë skiatorë.
Ata janë Erjon Tola dhe Suela Mëhilli, ku së bashku me to është edhe trajneri italian Marko Teroni, pasi të dy sportistët stërviten në Itali, duke qenë se në vendin tonë mungojnë kushtet bazë të zhvillimit të sportit të skive.
Lojërat Olimpike Dimërore do të zhvillohen për rreth dy javë dhe më 25 shkurt do të zhvillohet ceremonia e mbylljes.
Burimi: Daily Mail
