Mbrëmjen e djeshme është transmetuar nata e parë e edicionit të 68-të të muzikës italiane, “Sanremo 2018”. Për 5 netë me radhë, 20 këngëtarë do të konkurrojnë përballë njëri-tjetri për të rrëmbyer tre vendet e para. Në këtë edicion merr pjesë edhe shqiptari Ermal Meta, i cili vjen me një duet me italianin Fabrizio Moro, me këngën “Non mi avete fatto niente”
Sipas italianëve Ermal Meta dhe Fabrizio Moro do të jenë fituesti e “Sanremo 2018”, por diçka e papritur ka ndodhur. Në fund të mbrëmjes së djeshme është bërë çëshjte kënga e Ermalit dhe Fabrizio-s. Sipas mediave italiane kjo këngë është prezantuar në edicionin e “Sanremo Giovani” të 2016-s pasi ka shumë ngjashmëri si në tekst dhe në melodi.
“Silenzio” u këndua në atë kohë nga Ambra Calvani dhe Gabriele de Pascali. Edhe në këngën e Sanremo-s të Ermalit dhe Moro-s është i njëjti autor i këngëve, Andrea Febo.
Nëse prania e të njëjtit autor do të mund të shmangte akuzat për plagjiaturë, është pikërisht përhapja e këngës së prezantuar në “Sanremo Giovani 2016” që mund të sjellë probleme serioze për Ermal Metën dhe Fabrizio Moro-n.
