Fansat e Kylie Jenner besojnë se kanë zbuluar emrin e fëmijës së saj të parë, vogëlushes që ka lindur më 1 shkurt.
Shumë prej tyre mendojnë se ajo është quajtur Butterfly (Flutur), pasi Kylie ka publikuar një sërë fotosh që mbajnë simbolin e saj.
Jo vetëm foto, por Kylie, 20 vjeç dhe Travis, 25 vjeç, kanë bërë tatuazhe me simbole fluturash. Ai gjithashtu ka një këngë të quajtur “Butterfly Effect”.
Kylie Jenner është bërë nënë më 1 shkurt. Ajo u ka kërkuar falje të gjithë fansave për të gjithë atë rrëmujë që është bërë nëpër media sepse e di që ndjekësit e saj do donin që ajo ta ndante me ta të gjithë këtë udhëtim 9 mujor. Por Kylie theksoi në një status në Instagram, se vetë ajo zgjodhi që shtatzëninë e saj mos ta ndante me botën.
Dhe e gjitha kjo për faktin se Kylie donte të përgatitej për këtë rol të rëndësishëm në jetën e saj në mënyrën më të mirë të mundshme, pa stres dhe pozitivisht që edhe vajza e saj të rritej e tillë.
