Emisioni i gazetares Eni Vasili, do të transmetohet edhe ditën e enjte, duke u vendosur në garë për shikueshmëri, duke qëne se në të njëjtën ditë, televizionet Top Channel, Tv Klan, Ora Neës, Vizion Plus , transmetojnë emisionet e tyre.
Moderatorja ka njoftuar spostimin e emisionit “Studio e Hapur”, ndërsa akuzon kolegët e saj për qoka pushtetesh dhe bonuse partish.
Në një shkrim për Panorama ajo shprehet”
“E enjtja ime është mundi dhe sakrifica e një gruaje në gazetari, në përpjekje për të garuar me dinjitet dhe integritet, në një treg të deformuar interesash burro-politiko-personalo-bizneso gazetaraske, ku më i “pëlqyeri” është ai gazetar gjobaxhi që di të bëjë shantazhin e radhës me pushtetin, për të arritur më pas marrëveshjen e pritur, ai që ka jo vetëm orën më të shtrenjtë dhe makinën tip i fundit, por kalon me krenari e karshillëk edhe fundjavat e pushimet, me politikanë e bankierë, për t’i intervistuar më pas rehatshëm e mërzitshëm të enjteve tona”.
