Vrasja e studentes 21-vjeçare, Ariela Murati ditën e diel nga Aldison Belulaj, tronditi mbarë opinionin shqiptar.
Vëllai i Aldisonit, Arben Belulaj, në një intervistë për “Panorama” ta treguar se dy të rinjtë kishin një lidhje 3-vjeçare. Ai ka rrëfyer se ka tentuar disa herë të bisedojë me vëllain për këtë çështje, por ai ja kishte prerë shkurt duke i thënë se duhet të shikonte familjen e tij.
“Shiko familjen tënde, ti ke fëmijë”-i ka thënë Aldisoni.
Arbeni ka rrëfyer se ditën e ndodhjes së vrasjes ka komunikuar disa herë në telefon më vëllain, i cili i ka thënë se ishte në Fier dhe po pinte kafe me një shok.
“Nuk e dija që kishte shkuar në Tiranë. Mua më pati thënë se ishte në Fier. Kam folur në telefon, e kam pyetur se ku ishte dhe më tha se po pinte kafe. ‘Jam në Fier, po pi kafe me një shok dhe do vij’,kështu më pati thënë atë ditë. Më tha që të mos bëheshim merak se do të vinte. E kemi marrë në telefon gjithë ditën dhe gjithë kohës na ka thënë se ishte në Fier me një shok”, ka thënë vëllai i Aldisonit.
Ai ka treguar se Aldisoni ishte një tip i mbyllur dhe nuk tregonte për gjërat e tij personale. Gjithashtu ai tregoi se dy familjet janë takuar një herë, jo për t’i kërkuar dorën por për të bërë një ballafaqim mes djalit dhe vajzës. Kjo ishte bërë pasi Ariela kishte mohuar çdo lidhje me Aldisonin, edhe pse ata kishin të paktën 3 vite të lidhur më njëri-tjetrin.
Jo vetëm kaq, por dy familjet kishin lënë të takoheshin përsëri të ditën e diel, por vajza nuk shkoi nga Tirana në Fier dhe me sa duket ndodhi ngjarja e rëndë.
