Disa nga aktoret më të mëdha të “Hollywood”-it kanë zbuluar së fundmi incidentet e ngacmimeve seksuale, që u kanë ndodhur vite më parë. Dhe gjithçka nisi vitin e kaluar pasi dhjetëra femra u rrëfyen kundër producentit Harvey Weinstein.
Në kuadër të kësaj teme, duket se dhe moderatorja Einxhëll Shkira ka vendosur të rrëfehet në emisionin “Opinion”, për një ngjarje që i ndodhi kur ishte vetëm 14 vjeçe.
Në atë moshë ajo është ngacmuar seksualisht nga një femër në televizion, e cila dërgonte vajza për të kryer marrëdhënie me shumë meshkuj të tjerë.
Kjo ka bërë që Einxhëll të shkëputet nga televizioni për të rimarrë veten.
“Një person i njohur, femër madje, ka dashur që për hir të famës të bënim gjëra të pa hijshme. Të na prezantonte me njerëz më të mëdhenj në moshë, kjo gjë më ka terrorizuar, ajo kërkonte të bënin gjëra të pahijshme me meshkujt të mëdhenj dhe në këmbim të kësaj merrte përfitime dhe sponsorizime. Kur të jem shumë e fuqishme unë do ta them kush është. Unë kam qenë 14 vjeç dhe unë jam terrorizuar dhe jam tërhequr nga ëndrra ime për televizionin rreth 10 vite”, tha Einxhëlli.
