Amarda Toska dhe Ermal Mamaqi shumë shpejtë do të bëhen prindër të një vajze. Ami e ka shijuar në maksimum këtë pritje të ëmbël dhe me sa kemi parë nga postimet e saja në rrjetet sociale, ka qenë një shtatzëni e mbarë. Ajo ka vazhduar të jetë aktive në punë, në jetën e saj private dhe pa harruar edhe evenimentet e ndryshme që organizohen në kryeqytet.
Gjatë kësaj periudhe Ami është treguar e kujdesshme që në postimet e saja në “Instagram” të mos e ekspozojë barkun e rrumbullakosur. Dje ishte e ftuar në eventin “Oda” nga ku Ami ka postuar 2 foto në “Instagram”, ku përsëri është kujdesur që të mos e tregojë barkun.
Por si gjithmonë, Ermali është ai që e “tradhton” në këtë pjesë. Ai së bashku me fotografen Tea Dupi i kanë “thyer” privatësinë Amit. Ndërkohë që ajo ka qenë duke pozuar për të bërë foto, Ermali dhe Tea e kanë fotografuar pa mendje dhe për më tepër kjo foto është postuar edhe në “Instagram”.
“Demek po bënte foto @amardatoska po se lamë unë e @ermalmamaqiofficial”, ka shkruar Tea në përshkrimin e fotos në “Instagram”.
Nga fotoja duket barku i rrumbullakosur i Amit, e cila është në muajin e tetë të shtatzënisë. Një nur i mrekullueshëm i ka rënë bukuroshes nga shtatzënia. Ajo është gjithashtu nënë edhe e një djali, Joelit.
