Është e pashmangshme që të vizitoni kompleksin Kardashian-Jenner dhe të mos ndodhë ndonjë dramë. Sipas të dhënave të vitit të kaluar Kris Jenner është personi që fiton më shumë para nga familja Kardashian.
Në fakt ajo ka provokuar sërish me fotografitë e fundit që ka realizuar për revistën “Harper’s Bazaar”, ndërsa rrëfehet për të kaluarën dhe të tashmen e familjes së saj.
60-vjeçarja ka treguar se vazhdon të jetë në formë, tek pozon në ambientet e një cirku, bashkë me disa klounë dhe kafshë jo të vërteta. Në fakt, ashtu si mund të jemi të vetëdijshëm të gjithë, Kris Jenner ka akoma format dhe fytyrën e një 30-vjeçareje falë ndërhyrjeve kirurgjikale.
Ajo shprehet për revistën për disa nga temat më të rëndësishme që ka prekur familjen e saj, që nga transformimi i ish-bashkëshortit të saj në një femër, ndarja e Kourtney-t dhe martesa e Kim me Kany West.
E akuzuar shpesh herë nga mediat botërore se ka shitur familjen e saj për para dhe për famë ajo mohoi ta kishte bërë këtë gjë.
“Unë krijova një shfaqje në të cilën të ishte gjithë familja ime dhe ne ishim shumë të emocionuar që do punonim të gjithë bashkë”, u shpreh Jenner.
Kris deklaroi se ajo ndjen keqardhje për gjithë ata persona, që sipas saj flasin keq sepse kanë zili.
Burimi: Harper’s Bazaar
