Sidrit Bejleri foli për herë të parë për Sofinë, vajzën që humbi vetëm disa muajsh pas lindjes, gjatë emisionit “Shqiptarët për Shqiptarët”. Ai tregoi se vajza e tij e ndjerë do të jetojë gjithnjë me të, por jeta vazhdon. Bashkë me të ishte edhe miku i këngëtarit, Imami Elvis Naçi.
“Doja të tregoja si mund të përballohet dhimbja. S’ishte e thjeshtë për t’u kaluar, por me njerëz e kalova. Me mbështetjen e Elvisit kalova atë ngjarje të rëndë”, u shpreh i përlotur këngëtari në studio.
“Sa më afër njerëzve, aq më shumë lehtësohet situata”, u shpreh Elvis Naçi.
“Kjo është Sofi Sidrit Bejleri. Them është, sepse do vazhdojë të jetë për mua, deri ditën që do të mbyll sytë dhe do ta takoj andej, dashtë Zoti! Sot do mbushte 10 vjeçe, por Zoti me plotfuqinë e tij e mori, ashtu dhe siç na e dha…Dikush mund të thotë, po ky pse na tregon dhimbjen e tij? Nuk e postova për këtë, por desha të krenohem me dhuratën që na e dha Zoti për 19 muaj dhe njëkohësisht t’ju tërheq vëmendjen se kushdo dhe kurdo mund të sprovohet, me të afërmit e tij… Askush nuk është i përjetshëm në këtë jetë. Të Zotit jemi dhe tek Ai kthehemi. Qofsh lule e Xhenetit Sofia jeme!”, ky ishte statusi i këngëtarit në 10-vjetorin e lindjes së vajzës që ka humbur.
Ndërsa imami Naçi rrëfeu se ditën e humbjes së saj e ka mbajtur në krah trupin e vajzës dhe ka qenë pranë familjes.
