Sëmundja e fruthit është rikthyer në vendin tonë me dhjetëra raste fëmijësh të paraqitura pranë pavijonit të pediatrisë në QSUT. Profesori Tritan Kalo ka dhënë disa simptoma që nuk duhet të neglizhohen nëse i kini:
“Një i sëmurë me temperaturë, teshtitje, kolle, rrjedhje hundesh, skuqje sysh dhe/ose kruajtje të tyre, dhimbje fyti, dhimbje koke, dhimbje të përgjithshme trupore, këputshmëri dhe të i cili/e cila shfaqen në harqet palatine këto pikëza të bardha, “Koplik spots” (“shenjat e Koplik”), paraprirëse ose të njëkohshme me “njollat në lëkure”, ekzantema morbiliforme si në këto dy raste “autoktone” të konfirmuara tashmë, NUK duhet në asnjë rast t’i shpëtojë syrit klinik të cilido nga mjekët tanë”.
Fruthi në shfaqjen e tij favorizohet nga fakti i nënvlerësimit të IMUNIZIMIT pasiv/Vaksinimit ndaj tij. Një dukuri e tille po ndodh edhe këto ditët e fundit në vendin tonë. Nuk ka vend për asnjë panik, por edhe neglizhenca është e pafalshme për shkak të pasojave të kësaj sëmundje, edhe pse fatmirësisht në përqindje jo të lartë: në dëgjimin (shurdhimin), ne çrregullimet gastrointestinale (diarete dehidruese), ne rrugët respiratore (pneumonite edhe vdekjeprurëse), në sistemin nervor qendror (encefalitet me pasojat e tija), ose edhe myokarditet. Ndërlikime të tilla vërehen e jo vetëm në fëmijët nën 5 vjeç, por edhe në moshat madhore, në përqindje me të ulet se ato fëminorët. Kujtesë dhe Vigjilencë”!!!
/Dritare.net
