Koha e shpenzuar në rrjetet sociale mund të jetë e rrezikshme, pasi krijon varësi te adoleshentët njësoj si droga dhe alkooli.
“T’i japësh fëmijës tënd një ‘smartphone’ është si t’i japësh 1 gram kokainë”. Kështu paralajmëron ekspertja nga “Harley Street Clinic”, Mandy Saligari.
Një studim tregoi se ekranet dixhitale prekin trurin ashtu si kokaina (saktësisht prekin konteksin fronal të trurit). Ato rrisin edhe nivelet e dopaminës dhe japin ndjesinë e kimikateve të mira, që është një shenjë e krijimit të varësisë së dëmshme.
“Gjithmonë u them njerëzve, kur i jep një fëmije një telefon, jeni me të vërtetë duke u dhënë atyre një shishe verë ose 1 gram kokainë. Pse i kushtojmë më pak vëmendje këtyre gjërave sesa drogës dhe alkoolit, kur ata prekin të njëjtat impulse të trurit?”, thotë Saligari.
Një fëmijë 8-10 vjeç shpenzon afërsisht 8 orë para ekraneve të tilla brenda ditës, ndërsa adoleshentët afro 11 orë.
Gjatë një hulumtimi me vajza 13 dhe 14- vjeçare, u pa se ato përshkruan “seksin” si diçka krejtësisht normale, po ashtu edhe dërgimin e fotove të pahijshme.
Burimi: Independent
