“Dua Lipa bën histori në “Brit Awards”! Me këtë titull mediat britanike shkruan dje për këngëtaren shqiptare, pasi ishte e vetmja artiste femër me 5 nominime në historinë e “Brit Awards”.
Ceremonia e ndarjes së çmimeve britanike do të zhvillohet më 21 shkurt në “O2 Arena” në Londër dhe sigurisht që Dua Lipa do të jetë qendra e vëmendjes. Për herë të parë një artiste femër është nominuar në 5 kategori në “Brit Awards 2018”, ku ndër të tjera është një nga pretendentet kryesore për çmimin më të rëndësishëm “Album of the year”.
Pas lajmit as vet këngëtarja nuk po e besonte, ndërsa shkroi në “Twitter”: “Si është e vërtetë kjo?”
Nominimet e saj të tjera e përfshijnë në kategoritë; “Best female artist”, “Best video”, “Best single” dhe “Breakthrough”. BBC News ka shkruar historikun e karrierës së saj ku është theksuar edhe fakti sesi një vajzë në të 13-at erdhi në Britani për të bërë realitet ëndrrat e saj dhe shumë shpejt u shndërrua në një yll ndërkombëtar.
Pas saj, Ed Sheeran ka marrë 4 nominime.
Dominimi i Dua-s
Dua Lipa u rrit në Britaninë e Madhe, por në moshën 13-vjeçare u zhvendos me prindërit e saj në shtëpinë e tyre të mëparshme të Kosovës.
Dy vjet më vonë, ajo u kthye vetëm në Londër për të ndjekur ëndrrën e saj në muzikë, ndërsa nisi të punonte në lokale dhe pub-e.
Pas një sërë këngësh gjithnjë e më popullore, ajo mori akoma më shumë sukses me hitin “New Rules”.
Ajo e mbylli vitin si “Artistja më e dëgjuar” në Mbretërinë e Bashkuar në Spotify, ndërsa videoja e saj u pa më shumë se 892 milionë herë në YouTube.
Burimi: BBC
