Një nga dashuritë më të mëdha të femrave janë këpucët. Sikurse meshkujt janë të fiksuar pas ndeshjeve të futbollit, femrat kanë dashuri të parë këpucët.
Shpeshherë “gënjeheni” nga imazhet shumëngjyrësh që shkëlqejnë në vitrina ose hyni në dyqan thjesht për të parë dhe përfundoni duke blerë këpucë edhe pa i provuar. Por, me siguri nuk e keni llogaritur ndjesinë e shtrëngimit të këpucëve tek gishtat dhe prerjen nga pas këmbës. Mos u shqetësoni, ka një zgjidhje për të gjitha. Ekzistojnë 5 truke që ju mësojnë se si të zgjeroni këpucët që ju ngushtojnë dhe të mund t’i vishni lirisht.
1.Vishni një palë çorape të trasha dhe mundohuni t’i vishni këpucët që ju shtrëngojnë. Me ndihmën e një tharëseje flokësh ngrohni për disa minuta zonën përreth këpucëve. Tashmë këpucët tuaja nuk ju shtrëngojnë si më parë. Nëse dështoni me provën e parë, mund ta provoni sërish.
2.Merrni dy qese me zinxhirë dhe mbushini me ujë të ftohtë. Pasi të jeni kujdesur që qeset nuk kullojnë vendosini brenda këpucëve ose sandaleve. Më pas futini në një qese dhe lërini në frigorifer për 3-4 orë, por edhe më shumë. Pasi t’i nxirrni nga frigoriferi, lërini 20 minuta dhe hiqini qeset e ngrira. Në fund fshijini me një peshqir të thatë. Do të habiteni me rezultatin.
3.Bashkoni në një shishe në formë sprucatori ujë dhe alkool dhe tundini për disa minuta. Pasi të vishni me kujdes këpucët, spruconi të gjitha zonat rreth tyre me kujdes derisa të ndieni që nuk keni më dhimbje. Alkooli do të avullojë dhe këpucët nuk do t’ju vrasin më.
4.Merrni disa gazeta të vjetra dhe bëjini shuk. Më pas lagini me ujë dhe shtyjini në gjithë hapësirën e këpucës. Prisni derisa të thahen dhe do të kuptoni që këpucët nuk ju ngushtojnë si më parë.
5.Me pataten mund të bëni shumë receta interesante, por edhe të ngushtoni këpucët. Merrni dy patate dhe qërojini. Më pas futeni në hapësirën e brendshme të këpucëve, çizmeve apo balerinave dhe prisni 30 minuta ose më shumë. Patatet zgjerojnë këpucët dhe zbusin materialin e lëkurës.
