Shqiponja është simboli i kombit shqiptar! Dhe për shqiptarët kjo nënkputon jo që të mbrohet, por të vritet për të dekoruar shtëpitë apo lokalet.
“Brut Nature” në një video të postuar në “Facebook” ka dhënë një mesazh përmes, të cilit ka bërë të ditur se shqiponja po shkon drejt zhdukjes në Shqipëri.
Në këtë video shihet një person teksa tregon se ka dal që t’i shesë shqiponjat, ndërsa një tjetër tregon se i ka vrarë vetëm që të dekorojë lokalin “për të pasur më shumë klientë”.
Taulant Bino, ornitologjist ka thënë se numri i shqiponjave në 20 vjetët e fundit është përgjysmuar.
“Para 20-vjetësh mendohej se ishin diku 100-200 qifte shqiponjash në Shqipëri. Sot është diku rreth 50-100 qifte”, ka thënë ai.
Media shkruan se “shqiponja është viktimë e famës së vet në Shqipëri”.
Sipas Ministrisë së Turizmit dhe Ambientit vrasësit e shqiponjave në të ardhmen do të përballen me burgim dhe jo vetëm me gjoba.
Por çfarë mase është marrë?
Burimi: Brut Nature
