Të kesh akne është makthi më i madh që ka çdo e famshme para se të dalë në tapetin e kuq, por kjo nuk e ka penguar modelen Kendall Jenner të marrë pjesë në ceremoninë e “Golden Globes” mbrëmjen e së dielës.
Për fat të keq, pavarësisht se u rendit si një ndër femrat e veshura më bukur, Kendall nuk u shpëtoi dot talljeve në rrjetet sociale, për fytyrën e saj me akne.
Pavarësisht se është një supermodele, të gjithë kanë një ditë të keqe dhe problemet me lëkurën nuk ke se çfarë t’u bësh.
Por në vend që t’i lini aknet t’ju pengojnë të bëni gjërat që doni, 22-vjeçarja u sigurua të japë mesazhin e duhur:
“Mos lejoni kurrë që kjo t’ju ndalojë!”, shkroi Kendall në Twitter të hënën.
