Moderatorja shqiptare, Bora Zemani ka festuar ditëlindjen që në orët e para të ditës së sotme. Ajo mori një surprizë të këndshme nga djali i saj i vogël, i cili është zgjuar në mesnatë për të uruar mamin e tij.
Nga publikimi i videos duket se Bora dhe Arbori nuk e kanë mbajtur dot të qeshurën. Moderatorja ka publikuar videon ku shfaqet duke përqafuar të birin, i cili nuk ndal dot së qeshuri.
Sigurisht nuk ka munguar as torta që i kishin bërë surprizë, edhe pse në të nuk kishte dalë vendi për të shkruar emrin e saj të plotë.
“Torta e parë për sot, nuk ka dalë vendi për emrin”, shkruan Bora Zemani në foton e postuar në Instastory.
Moderatorja sportive është përfolur gjatë në media kohët e fundit pasi i dha fund lidhjes disa vjeçare me DJ Vin Velin, që është babai i djalit të saj.
