Ajo është një ndër modelet më të paguara në botë dhe pjesë e show-t televiziv “Keeping up with the Kardashians”.
Por paraqitja e befasishme e Kendall Jenner në ceremoninë e çmimeve “Golden Globe” në Beverly Hilton, natën e së dielës, shkaktoi mjaft zemërim në mediat sociale.
Të gjithë në Twitter po pyesin: Çfarë do Kendall Jenner me elitën e Hollivudit?!
22-vjeçarja u tall në Twitter pasi komentuesit iu referuan reklamës së saj të “Pepsi”-t, që u tërhoq pak orë pasi u lançua në prill 2017.
Një komentues shkroi: ‘Pse është Kendall Jenner atje? Për punën e saj të mahnitshme në reklamën e Pepsi-t ?! ‘
‘Pse është Kendall Jenner në ceremoninë e ndarjes së çmimeve? A ishte nominuar për atë reklamën e Pepsi-t”?, shkroi një tjetër.
Përdoruesit e mediave sociale kritikuan modelen dhe reklamën për përvetësimin e kulturës së protestës për të shitur pijen me gaz. Në reklamë, Jenner shfaqej me paruke bionde duke pozuar për fotografët, ndërsa përpara saj po zhvillohej një marshim për paqe.
E inkurajuar nga protestuesit, Jenner heq paruken, hyn mes turmës dhe sjell paqe në skenë, duke i ofruar oficerit të policisë “Pepsi”.
“Jo Pepsi. Jo Kendall Jenner. Nuk jeni të zgjuar. Nuk mund ta besoj se imituat lëvizjen e “fuqisë së lules” për të shitur pije me gaz”, komentoi dikush.
Gjithsesi, përpos kritikave, Jenner arriti të listohej si një ndër të veshurat më bukur në tapetin e kuq të “Golden Globes” me fustanin e “Giambattista Valli”.
