Pas largimit të Sokol Ballës nga “Top Channel” kanë filluar aludimet e kush do ta drejtojë emisionin “Top Story”. Fillimisht u përfol se ky emision do të moderohej nga gazetari Endri Xhafa, i cili ka marrë edhe rolin e Drejtorit të Informacionit në “Top Channel”.
Burime të sigurta të lajme.al kanë bërë me dije se mbrëmjen e së enjteve në “Top Channel” do të shohim Ylli Rakipin me emisionin e tij “Të paekspozuarit”.
Të njëjtat burime kanë thënë se Rakipi e ka pranuar ofertën e bërë nga drejtuesit e Top-it ndërsa ka parashtruar edhe kërkesat e tij. Emisioni i Rakipit do të transmetohet vetëm të enjte mbrëma dhe jo nga e hëna në të enjte si Balla.
Tashmë është konfirmuar se Sokol Balla do të modeloj një emision politik në “Vizion Plus”, i cili do të transmetohet 1 ose 2 herë në javë. Gjithashtu Balla do të ketë edhe rolin e Drejtorit Ekzekutiv në këtë televizion.
