Këngëtarja Era Rusi, ka rrëfyer për herë të parë një ngatërresë që ka ndodhur në Top Fest 11 dhe që askush nuk e dinte deri më sot.
E ftuar në Pop Culture, ajo tregoi për kohën kur u ngatërrua një çmim në një prej kompeticioneve të festivalit të muzikës moderne shqiptare. Era zbuloi se Çmimi i Internetit që ajo fitoi me këngën “Hajde me ne”, në fakt ishte çmimi i Xhensila Myrtezajt.
Kjo e fundit u vlerësua me çmimin “Best Pop Rock” me këngën “Jeton tek unë” që gjithashtu ishte çmimi i Erës:
“Tani mund ta them se kanë kaluar shumë vite dhe nuk i mbetet hatri askujt. Në atë edicion çmimi im u ngatërrua me çmimin e Xhensilës. Çmimi i Internetit përkthehet çmimi i publikut dhe unë mendoja që dikush nga publiku të reagonte dhe të thoshte ‘nuk kemi votuar për këtë’…”, tregon Era për Pop Culture.
