Një sondazh i realizuar së fundmi ka dalë në një përfundimin se pjesa më e madhe e femrave në botë, vihen në siklet kur janë me menstruacione dhe shpesh u vjen turp ta shprehin tek të tjerët.
Në sondazh morën pjesë 1500 femra dhe 500 meshkuj të cilët u përgjigjën pyetjeve në lidhje me periodat.
Të paktën 45% e femrave pranuan se kishin turp t’i tregonin dikujt tjetër se janë me perioda, 75% e tyre u shprehën se i fshihnin pecetat higjenike teksa shkonin për në tualet, dhe madje disa prej tyre kishin arritur deri aty sa anulojnë plane të ndryshme vetëm që mos t’i tregojnë njeriu që janë me perioda.
Nga ana tjetër një pjesë e madhe meshkujsh u shprehën se ishte e papërshtatshme për ta nëse një kolege në punë u thotë se është me perioda. Meshkujt vihen në siklet, dhe ndaj femrat e kanë të vështirë të flasin për periodat në sy të tyre. Kështu, dukshëm që periodat vijojnë të mbeten tabo edhe në vendet më të zhvilluara të botës, pavarësisht se janë diçka shumë natyrale dhe aspak për tu turpëruar.
