Dashi
Muaj shumë i lumtur ka për të qenë ky për të gjithë. Do jeni gati të bëni edhe surpriza të jashtëzakonshme për personat më të dashur në mënyrë që emocionet të shumohen. Të dashuruarit mund të kenë vetëm javën e parë disa mosmarrëveshje të vogla, por falë reflektimit të gjatë gjithçka do zgjidhet pa pasoja. Beqarët do realizojnë takimet e ëndrrave në ambientin e tyre të punës dhe jeta do t’ju ndryshojë për mirë. Shëndeti do lërë për të dëshiruar gjatë javës së dytë të muajit ndërkohë që më pas situata do jetë më normale. Probleme alarmante nuk do ketë. Sektori i financave do ketë tronditje të njëpasnjëshme për shkak të shumë shpenzimeve të domosdoshme që do keni për të kryer. Në punë mos u mërzitni nga intrigat e kolegëve, por vazhdoni të ndiqni gjithmonë rrugën më të logjikshme dhe planet që keni bërë.
Demi
Fillimi i muajit do jetë i këndshëm për ju që jeni në një lidhje, por me kalimin e javëve atmosfera do ftohet dhe mosmarrëveshjet do të lindin. Në fakt do jenë edhe disa persona të tretë që do ndikojnë gjithë kohës dhe do mundohen t’u prishin planet. Beqarët duhet të tregohen realistë sa më shumë nëse nuk duan të vuajnë më pas. Jo të gjithë personat janë ashtu si duken në fillim kështu që më mirë njihuni me ta para se të merrni vendime. Shëndeti nuk do jetë aspak ashtu si ju e keni dashur. Mos e lini asnjë moment veten pas dore. Gjendja financiare fatmirësisht nuk do ketë lëkundje të forta. Kjo do bëjë që ju të kryeni edhe ndonjë shpenzim më tepër. Në punë duhet të tregoheni të duruar nëse doni që gjërat t’iu ecin më së miri. Edhe të papunët do jenë me fat sidomos pas javës së dytë.
Binjakët
Gjatë muajit të parë të vitit do ta keni paska të vështirë t’i menaxhoni emocionet dhe humori mund t’iu ndryshojë herë pas here. Ditët dhe javët do jenë shumë të ndryshme nga njëra-tjetra dhe në disa momente situatat do jenë delikate. Nëse jeni në një lidhje duhet patjetër të bëni më tepër lëshime këtë muaj, sepse në të kundërt do keni debate të forta. Për çdo keqkuptim mundohuni të jepni sqarime menjëherë. Beqarët më mirë të presin pak dhe të kthjellohen para se të hedhin hapa të pamenduara. Shëndeti mund te ketë vetëm ndonjë shqetësim të vogël për shkak të lodhjes, por asnjë gjë për t’u alarmuar. Me financat tregohuni realistë, sepse po e tepruat dhe po shpenzuat pafundësisht do mbeteni që në fillim të muajit me xhepat bosh. Në punë do keni goxha vështirësi javët e para, por përfundimet në fund do jenë pasojë e çdo veprimi që do bëni në fillim.
Gaforrja
Mundohuni të mos tregoheni të paduruar këtë muaj sepse në momentin që më pak e prisni situata mund t’iu dalë jashtë kontrollit. Ata që janë në një lidhje, javët e parë do t’i kalojnë të qeta dhe pa probleme, por më vonë zymtësia do rikthehet. Kujdes me çdo hap që do hidhni. Beqarët do preferojnë të dalin me persona të huaj dhe me një tjetër kulturë. Mundësitë në fakt do ekzistojnë nga mesi i muajit. Bëjini sytë katër. Shëndeti herë pas here do ketë shqetësime, por pjesa më e madhe e muajit do jetë e mirë. Do dini si t’i kaloni periudhat delikate. Në planin financiar do jeni më të kujdesshëm dhe do t’i bëni mirë llogaritë para se të kryeni investime. Në punë do jeni bashkëpunues me kolegët dhe së bashku mund të arrini më parë tek objektivat që iu janë dhënë. Do jeni më të qetë se kurrë.
Luani
Gjate këtij muaji do jeni te paqëndrueshëm emocionalisht dhe herë pas here mund të keni edhe konflikte me ata që ju rrethojnë. Për shumë gjëra nuk do bini dakord dhe kokëfortësia do bëjë që të keni debate të forta. Nëse jeni ne lidhje mundohuni të mos ushtroni presion tek ai që keni në krah, sepse në ndonjë moment debatet do jenë aq të forta saqë ai mund të kërkojë edhe ndarjen. Për çdo hap mendoni për pasojat në të ardhmen. Beqarët do kenë flirte me disa persona, por nuk do arrijnë dot të fillojnë një lidhje të fortë ashtu si e kane ëndërruar gjithmonë. Gjendja shëndetësore në shumë momente do lërë për të dëshiruar. Lodhja, ngarkesa, pro edhe moti mund të sjellin goxha shqetësime. Financat do jenë më të mira se një muaj më parë, megjithatë mirë është të shpenzoni me maturi gjithë kohës. Në punë do ju pëlqejnë sfidat dhe do guxoni. Vërtet mundet edhe të pengoheni, por në fund kënaqësia që do merrni do jetë e jashtëzakonshme.
Virgjëresha
Do jeni më të hapur dhe më largpamës gjatë këtij muaji kështu që në përgjithësi gjërat do ecin në rrugën e duhur. Besimi në vetvete nuk do mungojë asnjëherë dhe do keni forcë për të ecur para kurdoherë. Nëse jeni në një lidhje mund të keni disa probleme të vogla javën e pare, por shumë shpejt gjithçka do sqarohet dhe pas datës 10 do dashuroheni. Nuk do mungojnë as surprizat e njëpasnjëshme për njëri-tjetrin. Beqarët do bëjnë mirë të mos fillojnë aventura kalimtare me të parin që do t’iu dalë para, por të kërkojnë kudo personin ideal për të filluar lidhje serioze. Mundësitë sot do jenë të shumta. Gjendja shëndetësore do jete goxha e mirë. Nuk do keni asnjë shqetësim dhe energjia do t’ju pushtojë shpesh. Në planin financiar mos u tregoni të pamatur, sepse çdo gabim i vogël sot do ketë pasoja të renda nesër. Në punë do jeni shumë të kujdesshëm e të vendosur, kështu që do arrini çdo gjë që do dëshironi.
Peshorja
Gjatë këtij muaji do të jeni shumë të ngarkuar dhe të zënë me punë, por edhe arritjet do të jenë të mëdha. Nëse keni tashmë një lidhje do të gjendeni në disa udhëkryqe dhe duhet të bëni patjetër zgjedhje. Të përditshmen organizojeni sa më mirë në mënyrë që të qëndroni pranë partnerit e të dashuroheni. Beqaret do të simpatizojnë disa persona dhe do kenë mundësi të takohen me disa prej tyre, por do të kenë frikë të hedhin hapa më tej. Gjendja shëndetësore ka për të qenë goxha më e mirë së më parë. Edhe ata që kanë pasur shqetësime do e marrin veten. Aktiviteti fizik dhe ushqimi i shëndetshëm do i mbajë më në formë. Sektori i financave do të kërkojë më shumë përkushtim dhe vëmendje. Pranojeni edhe ndihmën e te afërmve sepse do t’ju duhet. Në punë do të përballeni shpesh me vështirësi, por gjithmonë do dini si t’ia dilni mbanë. E rëndësishme është që nuk do e lëshoni veten.
Akrepi
Ky do të jetë një muaj i mahnitshëm për të gjithë ju. Do të provoni emocione te reja dhe ndonjëherë do ju duket sikur do jeni nëpër ëndrra. Gjithçka do shkojë ashtu si e keni dëshiruar. Në jetën tuaj në çift harmonia do të mbizotërojë gjithë kohës. Do të jepni gjithçka nga vetja dhe do e dashuroni pa dorashka partnerin tuaj. Beqaret do të kenë një muaj të paqëndrueshëm. Javët e para do ketë vetëm irrtime, ndërsa me pas gjithçka do ndryshoje për mirë. Nga data 20 deri në datën 26 mund të ndodhe një takim impresionues. Gjendja shëndetësore do të ketë tronditje here pas here. Kujdes me lodhjen dhe ushqehuni në mënyrë sa më të ekuilibruar. Ne planin financiar do të keni vështirësi gjysmën e parë të muajit dhe do ju duhet të kërkoni ndihmë nga familjarët. Në punë duhet të mos nxitoheni që të mos të bëni gabime.
Shigjetari
Ky do të jetë muaji i ndryshimeve të njëpasnjëshme për të gjithë ju. Shpesh do të përjetoni emocione dhe kënaqësi të paimagjinueshme. Të dashuruarit do të kalojnë një muaj të begatë. Rrahjet e zemrës do jenë të shumta edhe sepse në shumë momente do të gjendeni para zgjedhjeve delikate. Me pak me shume imagjinate dhe fantazi mund ta bëni ambientin ne çift edhe me emocionues. Beqaret ka mundësi të marrin ftesa të veçanta që javën e parë dhe do arrije të krijojnë një lidhje afatgjatë. Shëndeti herë pas herë mund të ketë ndonjë problem të vogël, por nëse merrni me pak më shume aktivitet fizik situata do të normalizohet pa pasur pasoja të rënda. Në planin financiar do të keni vështirësi të mëdha dhe do ju duhet patjetër mbështetje nga të afërmit për t’ia dalë. Ne punë do ecni para me ritme shumë të shpejta.
Bricjapi
Këtë muaj më në fund do të arrini të zgjidhni disa probleme të vështira dhe do të ndiheni shumë më të qetë. Do të përqendroheni më shumë tek jeta sentimentale dhe ajo familjare e do lini në rang të dytë miqtë. Te dashuruarit do e fillojnë muajin me pasion, javën e dytë mund të jenë disi me të qetë dhe sërish në fund do të përjetojnë emocione të forta. Këtë periudhë do të bëhën edhe plane afatgjata. Beqaret do bëjnë të pamundurën që ta gjejnë princin e tyre të kaltër dhe do ja arrijnë qëllimit të tyre rreth mesit të muajit. Shëndeti në shumë momente do të jetë delikat për shkak të stresit dhe tensionit në punë. Për financat duhet të jeni shumë më të përkujdesur sepse po filluan problemet gjendja do të marrë shpejt tatëpjetën. Në punë do të keni vështirësi të njëpasnjëshme, por me pak mund do i arrini objektivat.
Ujori
Ky do të jetë muaji ideal për të bërë një bilanc të muajve dhe vitit të kaluar si dhe për të ndrequr gabimet. Reflektoni me kujdes para se të merrni edhe vendime të rëndësishme. Me partnerin diskutojini gjërat hapur dhe bëni zgjedhjet më të mira për të dyja palët. Komunikimi javën e parë do të jetë jo shumë i mirë, por pas datës 10 gjithçka do të ecë në perfeksion. Beqaret do të jenë shumë tërheqës dhe do të arrijnë ta bëjnë për vete personin e tyre të ëndrrave. Gjendja shëndetësore do të jetë delikate deri javën e dytë. Mund të keni shqetësime nga koka dhe barku. Besojini më shumë mjekësisë tradicionale dhe mos e teproni me medikamentet. Financat nuk do të jenë të këqija, megjithatë çdo shpenzim duhet kryer me kujdes. Në pune viti i ri do të filloje shumë mirë. Mund të merrni edhe një propozim me rëndësi.
Peshqit
Gjatë këtij muaji do të dini ta kontrolloni veten dhe do të merrni masa në çdo rast gabimi. Toleranca dhe pranimi i fajeve do të jenë ato që do ju ndihmojnë të dilni nga çdo situatë. Të dashuruarit nuk do të kenë aspak probleme, përkundrazi marrëdhënia e tyre do të përmirësohet pas datës 16. Premtimet do i mbajnë të dyja palët dhe atmosfera do të jetë e këndshme. Beqaret do të ndihmohen nga miqtë dhe të afërmit kështu që me shumë mundësi do të arrijnë ta gjejnë shpirtin binjak. Java e fundit e muajit do jetë më emocionuesja. Shëndeti mund të ketë shqetësime të vogla edhe për shkak të ushqimit të tepruar e të thatë që keni konsumuar gjatë festave. Në planin financiar do të keni nevojë për mbështetje nga të afërmit për t’ia dalë mbanë sepse situata do të jetë goxha delikate. Në punë do të ndërmerrni iniciativa dhe me këmbëngulje do të arrini suksesin e ëndërruar.
