Ermal Meta është treguar shumë njerëzor gjatë koncertit të tij në Itali.
Ai shënoi rekord duke mbajtur tre koncerte brenda 24 orëve. Pasi mori pjesë në festimet në Canale 5 në Bologna u zhvendos në Firence për të pritur ndërrimin e viteve dhe më pas më 1 janar në Peskara.
Në shesh Ermal Meta po këndonte “Një jetë që po të prisja” kur dikush nga publiku bënte shenja të çuditshme. Më pas u informua se një vajzë që ndodhej mes publikut nuk ndihej mirë.
Ermal Meta ndërpreu koncertin dhe pasi u sigurua se vajza ishte mirë e rifilloi.
Pas koncerteve të fundvitit Ermal Meta do të angazhohet për festivalin e Sanremos. Kjo është hera e tretë që ai do të konkurrojë në këtë festival. Ndërsa më 19 shkurt pritet të dalë albumi i tij.
