Çiftet që sapo kanë filluar të dalin, duhet të bien dakord që të takohen më rrallë gjatë javës! Të paktën kështu thuhet në studimin e fundit të psikiatrit Scott Carroll, autor i librit “Don’t Settle: How to Marry the Man You Were Meant For”. Në fazat e hershme të një marrëdhënieje, çiftet besojnë sesa më shumë kohë të kalojnë bashkë aq më e shëndetshme është kjo gjë për lidhjen, kur në fakt sipas ekspertëve një gjë e tillë është e dëmshme. Carroll beson se çelësi i një marrëdhënieje të gjatë e të lumtur lidhet me faktin se partneri duhet takuar jo më shumë se dy herë në javë.
“Është e rëndësishme që të takoheni dy herë në javë në mënyrë që të keni mjaftueshëm kohë për të “përhapur” këto ndjenja nëse janë aq të forta në nënndërgjegjen tuaj. Shpeshtësia e takimeve romantike, mund t’ju bëjë konfuzë e të mos arrini të kuptoni nëse keni nevojë vërtetë për tjetrin, a ju merr malli kur nuk e takoni apo është thjeshtë rutinë e ditëve tuaja”.
Dr. Seth Meyers psikolog klinik i licencuar pohon se shpeshtësia e takimeve mund të ndikojë negativisht në marrëdhënien tënde në një periudhë afatgjate.
“Problemi me këtë dinamikë është se duke parë njëri-tjetrin shumë shpesh në fillim, krijon një iluzion të varësisë, edhe pse secili person e di se ka nevojë për muaj apo edhe vite të njohin me të vërtetë dikë”.
Burimi: The Independent
