Të puthësh apo jo fëmijën në buzë? Kjo është një nga temat më të komentuara dhe nuk ka një përgjigje përfundimtare.
Vetëm pak muaj më parë ish-futbollisti i njohur David Beckham postoi një foto duke puthur në buzë vajzën e tij, Harper.
Pas kësaj nisën komentet negative dhe pozitive, nga ata që e cilësonin si të papërshtatshëm këtë gjest dhe nga ana që e përkrahnin.
Ilir Shaqiri, balerini shqiptar që jeton në Itali, publikoi një video në “Instastory”, ku puth vajzën e tij Emily në buzë.
Duke qenë se nuk e ka postuar në Instagram, Iliri ka bllokuar kështu mundësinë që ndjekësit e tij të bëjnë komente lidhur me këtë gjest që ai e konsideron shumë të këndshëm për të shprehur dashurinë për të bijën.
