Çdo vit ashtu si tendencat në veshje, sjell edhe tendencat në ushqim. Pas xhenxhefilit dhe kurkumës, ushqimi i ri i vitit 2018-t do të jetë moringa. Mund të keni dëgjuar tashmë për të, sepse disa produkte kozmetike e përmbajnë në ekstrakt. Mirëpo, gjethet dhe farat e moringës, njohur ndryshe edhe si pema e mrekullive, shndërrohet në formë pluhuri dhe mund të hahet. Moringa ka aq shumë vlera ushqyese sa është bërë superushqimi i 2018-s.
Çfarë e bën moringën të pazëvendësueshme?
Është një antiinflamator i shkëlqyer, antikosidant e pasur në minerale si potasi dhe kalciumi, por jo vetëm. Forcon sistemin imunitar dhe arrin të mbajë në nivelet e duhura presionin e gjakut dhe hormonet. Lehtëson tretjen dhe gjumin. Pra, një bimë vërtet mrekulli!
Si përdoret?
Përveçse duke bërë gjethet e saj pjesë të sallatës, mund të përdorim edhe farat e moringës në kos apo supë. Ndërkaq, pluhurin mund ta bëjmë çaj apo ta përfshijmë në gatime brumi, lëngje frutash të freskëta, etj. Sasia e këshilluar që mund të përdorim gjatë ditës është 2-4 lugë çaji.
Burimi: Cosmopolitan
