Një nga moderatorët më të dashur shqiptar do të bëhet baba për herë të parë. Lajmin e zbuloi ditën e djeshme nga studio e “100 milionë”, Arbana Osmani, e cila erdhi së bashku me Alban Dudushin për të marrë pjesë në lojë.
Pasi thanë se të gjitha të ardhurat që mund të fitojnë nga loja do t’i dhurojnë për familjet e përmbytura, Arbana i dhuroi Enos një biberon duke zbuluar edhe lajmin se së shpejti ai do të bëhet baba i një vajze:
“Mirë se erdhe në klub”, i tha Dudushi – Enos, i cili pak minuta më vonë i la Arbanës detyrë që të gjejë emrin me të cilin do të pagëzojë vajzën.
Ndërsa më vonë moderatori publikoi një foto të ekos si zbukurim në Pemën e Vitit të Ri.
“Është vajzë. Kjo Krishtlindje na gjen duke pritur për bekimin tonë më të madh”, shkruan krah fotos moderatori.
Eno ka treguar më herët se është njohur me Atenën më shumë se 6 vjet më parë në pub:
“Nuk jemi njohur në “Top Channel”, jemi njohur në pub. Nuk ka qenë nga këto dashuritë me shikim të parë, por nga këto historitë që dalëngadalë vazhdoi”.
Atena është pjesë e strukturës mediatike, Digitalb dhe bën një punë në prapaskenë, merret me produksionin.
Burimi: Instagram
