Nisi mbrëmjen e djeshme edicioni i 56-të i Këngës në RTSH nën drejtimin e Adi Krastës. Skenografia 3D u cilësua si e veçantë këtë vit, ndërsa u rikthyen në skenë artistët e mëdhenj, Adi Krasta dhe Pali Kuke, pas një mungese të gjatë prej mëse 11 vitesh.
Mbrëmja nisi në një intervistë të shkurtër me Ricardo Cocciante, ardhur në Shqipëri posaçërisht për të qenë pjesë e festivalit më të rëndësishëm të muzikës së lehtë dhe performancës emocionuese me “nxënësen” e tij më të mirë, Elhaida Dani.
Adi është i vetëm në skenë, pa një partnere fikse, por për prezantimin e konkurrentëve, ngjiten në skenë gazetarë të njohur, pedagogë, sportistë dhe emra të tjerë të rëndësishëm të botës së televizionit.
Në natën e parë do të ngjiten në skenë 11 artistë, të cilët do të këndojnë live të shoqëruar nga orkestra. Festivali vijon edhe në datat 22 e 23 dhjetor, ndërsa kënga fituese do të përfaqësojë Shqipërinë në ‘Eurosong’.
