Ajo e ka nisur karrierën e saj artistike që në moshë të vogël. Zëri i saj i fuqishëm e identifikon menjëherë. Flaka Krelani është karakterizuar gjithmonë nga performancat shpërthyese, të cilat pëlqehen shumë nga fansat.
Së fundmi, Flaka është përfolur se ka kryer operacione plastike. Ajo fillimisht e shmangu këtë temë, duke e cilësuar si ‘kazan’ mediatik dhe nuk e zgjati më tej.
E ftuar tek “Rudina”, këngëtarja e njohur ka folur për herë të parë rreth ndërhyrjeve që ka kryer. Flaka është shprehur se kësaj pyetje gjithmonë nuk i është përgjigjur, por tani ndjen që duhet të jetë e sinqertë me publikun.
“Unë kësaj pyetjeje nuk kam preferuar t’i kthej një përgjigje. Por ndjej që tani duhet të jem e sinqertë me publikun që më ndjek. Të gjithë në ditët e sotme bëjnë ndërhyrje që të duken mirë. Të njëjtën gjë kam bërë edhe unë. Unë dua që në skenë të dukem mirë. Nuk besoj se ka diçka të keqe këtu”, është shprehur Flaka.
Përsa i përket jetës personale, Flaka tregoi se është “single” dhe se princi i kaltër nuk ka mbërritur ende.
