Nëna e Selena Gomez raportohet se u shqetësua aq shumë për rikthimin e këngëtares me Justin Bieber saqë u shtrua në spital.
Sipas TMZ, nënë e bijë kanë patur një debat rreth tij që siç duket e ka mërzitur shumë, sa iu nënshtrua kontrolleve vullnetare në spital.
Prindërit e Selena-s janë më shumë se të vendosur për të mos e falur këngëtarin, për mënyrën sesi u nda nga ajo në 2014-n. Jo vetëm kaq, por që kur mësuan për flirtimet e para mes çiftit, prindërit e yllit thanë se nuk do ta pranonin kurrë Bieber-in si partnerin e vajzës së tyre.
Ndonëse fillimisht të gjithë menduam se ishte thjesht një shqetësim normal, gjërat janë bërë edhe më serioze. Mandy Teefey (nëna e Selena-s) i është nënshtruar një kontrolli shëndetësor për shkak se stresi i javëve të fundit është shtuar kur ata kanë vënë re interesin që Selena po tregon ndaj lidhjes së re.
Ajo frikësohet për ndonjë depresion të dytë që mund t’i shkaktojë Justin Selena-s, ndërsa ai mësohet se është betuar që nuk do të gabojë si disa vite më parë.
