E ndërsa të gjithë mendojnë se një mashkull i pjekur, me disa vite eksperiencë mbi supe, është ideal për të krijuar një familje të fortë e të bashkuar, ky opinion nuk duket se ka shumë vlerë kur flasim për martesën e Ermal Fejzullahut me Arianën.
Këngëtari i njohur shqiptar ishte vetëm 19 vjeç kur i dha fund beqarisë, dhe sot e kësaj dite, pasi kanë kaluar 9 vjet nga dasma e tij, çifti shihen shumë të dashuruar dhe kanë krijuar një familje të madhe.
Ishte viti 2008 kur Ermal Fejzullahu u martua me vajzën që i kishte rrëmbyer zemrën, në një ceremoni madhështore me 400 të ftuar nga bota e televizionit. Të gjithë artistët e Kosovës, miq jo vetëm të Ermalit por edhe të babait të tij, Sabriut kanë qenë prezentë, që nga Mihrihe Braha me bashkëshortin, Gili, Leonora Jakupi, Leonora Poloska, Blero, Sinan Vllasaliu, Nora Istrefi, Miranda Hashani, Lindita Hakaj, Shkurte Fejza, e shumë personazhe të tjerë.
Nga Shqipëria ka qenë miku i ngushtë i këngëtarit, Sinan Hoxha, ndërsa Sabri Fejzullahu kishte ftuar këngëtaren Bleona Qerreti, e cila ka qenë e shoqëruar nga bashkëshorti i asaj kohe, Gani Bardha.
Të gjithë këngëtarët kanë kënduar për nder të mikut të tyre, ndërkohë që në fund të festës edhe dhëndri ka marrë mikrofonin dhe ka përshëndetur miqtë e tij me këngë.
E ndërsa kujtojmë këto kohë, një foto e vjetër e çiftit po qarkullon në media. Të dy të lumtur në krahë të njëri-tjetrit, Arjana dhe Ermali janë një shembull i martesave të lumtura.
Çifti kanë tre fëmijë, kanë një jetë të shëndoshë familjare dhe shprehen se janë shumë të lumtur:
Këtë e vë re edhe te bio e Arianës në Instagram ku shkruan:
“E martuar me një bashkëshort të mrekullueshëm, nënë e tre engjëjve, Arti, Buna, Era”.
