Vetëm pak muaj më parë lidhja e vajzës së ish-kryetares së Kuvendit, Jozefina Topalli, Megi me Luiz Ejllin mori fund. Fillimisht çifti nuk deshi ta komentonte publikisht këtë raport, por disa statuse dhe ngacmime virtuale, e konfirmuan shpejt lajmin se Luizi dhe Megi nuk ishin më bashkë. Dyshimet, në atë kohë u përforcuan akoma më shumë kur këngëtari shkodran postoi në “Facebook” këngën ‘Uomini soli’, bashkëngjitur së cilës shkruante: “Për të gjithë meshkujt e vetmuar”.
Ai pranoi të fliste për herë të parë në emisionin “Pasdite në në Top Channel”, duke e përshkruar atë që kishte ndodhur për disa vite me Megin si një flluskë sapuni.
Luizi tha se nuk kanë qenë të fejuar, por “ishte thjesht një lidhje”, e cila ishte e destinuar të përfundonte: “E di si ishte? Si një flluskë sapuni, e cila vjen e fryhet, ngrihet lart, fillon merr ngjyrat e bukura, bëhet një mrekulli atje dhe pastaj shpohet…”.
Ai shtoi se gjërat përfundojnë dhe kjo është e kuptueshme si për të gjithë njerëzit.
I pyetur për arsyet, këngëtari tha se tashmë ato nuk i interesojnë askujt: “Kam pasur dhe do të kem gjithmonë respekt, si për të, ashtu edhe për familjen e saj e për gjithçka. Nuk janë pak ato vite që kemi kaluar, nga unë do kenë mirënjohje gjithmonë”.
Po tani a është beqar? Kësaj pyetjeje Luizi iu përgjigj me humor:
“Po kush na merr ne?”.
Luiz Ejlli i rikthehet muzikës, pasi do të marrë pjesë në Festivalin e RTSH-së.
