Nata finale e spektaklit “Dance with me” pritej të transmetohej mbrëmjen e djeshme në Tv Klan. Pak minuta para fillimit të spektaklit Alketa Vejsiu njoftoi se në orarin “prime time” do të transmetohej “Opinon” për shkak të ngjarjeve të aktualitetit të ditës së djeshme.
Alketa Vejsiu njoftoi se “Dance with me” do të transmetohet natën e Krishtlindjeve, më 25 dhjetor.
“Grande finale të hënën që vjen datë 25 dhjetor! Finalja e spektaklit do të transmetohet në 3 orë transmetimi fantastik të hënën që vjen; kjo për shkak të ngjarjeve të aktualitetit të ditës së sotme që do të pasqyrohen në një episod special te Opinion në Tv Klan. Faleminderit për mirëkuptimin! Po prisja me padurim takimin e radhës me ju”, shkruan Alketa Vejsiu në “Instagram”.
