Aktorja Eni Jani ishte e ftuar në emisionin “Kush vjen për drekë”, nga ku dha një lajm që të gjithë e keni dëshiruar.
Eni ka mbetur në mendjen e të gjithëve me rolin e Erës në telenovelën shqiptare “Njerëz dhe fate”.
Dëshira për ta parë përsëri telenovelën e parë shqiptare është e madhe, ndaj Eni ka dhënë një lajm shumë të bukur. Pyetjes për vazhdimin e saj, Eni i është përgjigjur se po interesohen për ta sjellë sërish, duke qenë se janë të shumtë ata që duan të shohin si do të rrjedhin ngjarjet tek “Njerëz dhe Fate”.
“Ishte serial interesant sepse trajtonet tema të cilat shqiptarët po i përjetonin asokohe. Është diskutuar dhe po diskutohet për një rikthim të “Njerëz dhe fate”, po ende nuk kemi një përgjigje. Gjithsesi do të ishte shumë bukur dhe kënaqësi e madhe që ajo telenovelë të vazhdonte”, tha Eni.
Edhe më herët, aktorja është shprehur se do ishte mirë që RTSH t’i kthehej prodhimit të serialeve shqiptare, që kanë patur shumë sukses.
