Era Rusi ka treguar për një skenë xhelozie me partnerin e saj dhe një moment të saj si “boksiere”.
Rasti i parë kur është ndjerë xheloze është ky: Ajo ishte ulur në tavolinë me partnerin dhe një çift tjetër (mos gabojmë), dhe gjatë kësaj kohe një vajzë vetëm shikonte nga tavolina e tyre. Për një moment, i dashuri i këngëtares, ishte larguar për në tualet, por ishte vonuar shumë. Kthen kokën prapa, kur shikon që edhe vajza që ua kishte ngulur sytë gjatë gjithë kohës nuk ishte aty.
Çfarë nuk i shkon ndërmend në ato momente. Një skenë si në telenovela, por ka ndodhur në të vërtetë. Shoku i tavolinës shkon në tualet për ta parë, por i dashuri i Erës nuk ishte aty. Në këto momente këngëtarja e merr situatën vetë në dorë. Ajo ngrihet për ta parë me sytë e saj, por ai nuk ishte. Shumë pak pasi Era kishte dalë nga tualeti, ai kthehet në tavolinë. Kishte shkuar për të blerë cigare (kështu të paktën kishte thënë). Sot ata nuk janë më bashkë.
Një tjetër situatë, ishte dhe Era “boksiere”. Nuk e ekzagjërojmë kur e themi, pasi vetë këngëtarja ka treguar se ka rrahur ish-in e saj.
“Kam rrahur një ish- të dashur”, ka treguar ajo për emisionin “Thumb”. Nuk e dimë nëse bëhet fjalë për djalin e rastit të parë, por kjo nuk ka dhe shumë rëndësi.
