Shumë artistë shqiptarë kanë korrur sukses jashtë trojeve tona. Nuk e kemi fjalën për ata artistë si Bebe Rexha, Dua Lipa apo Rita Ora që e kanë nisur karrierën jashtë Shqipërisë apo Kosovës.
Por e kemi fjalën për artistët që jetojnë në Shqipëri dhe që tregu muzikor shqiptar është shumë i vogël për karrierën dhe ambiciet e tyre. Dëshira për ta treguar talentin ka bërë që shumë këngëtarë ta synojnë tregun botëror ndërkombëtar muzikor dhe mënyra më e mirë është gjuha.
Era Istrefi, Elvana Gjata, Dafina Zeqiri, janë vetëm disa nga emrat e njohur shqiptarë që kanë realizuar këngët në anglisht. Pas tyre edhe Arilena Ara, Elhaida Dani dhe Miriam Cani me Alban Skenderaj, po lancojnë versionin anglisht të këngëve për të korrur sukses edhe jashtë kufijve.
Muaj më parë, Arilena u bë e njohur dhe arriti klasifikimet e para në Rusi me versionin anglisht të këngës ‘Nëntori’.
Edhe Elhaida bëri të njëjtën gjë, pasi solli këngën “E ngrirë” në gjuhën angleze me titull ‘Amazing’.
Këtë metodë po ndjekin edhe Miriami dhe Albani. Dyshja e skenës kanë lansuar këngën ‘Dhurata’ si dedikim për vajzën e tyre Amelia. Përmes një fotografie të hedhur në Instagram, Miriam ka konfirmuar se këtë këngë do e sjellin edhe në gjuhën angleze me titull “More than a Song”.
Shpresojmë që përpjekja e artistëve shqiptarë t’ju ecë mbarë dhe puna e tyre të vlerësohet ndërkombëtarisht.
