Vrasja e vëllait të ish-deputetit socialist Arben Ndoka, Aleksandër, dyshohet se ndodhi si rezultat i konflikteve të mëparshme.
Mediat raportojnë se misionarë të pajtimit të gjaqeve trokitën në dyert e tre fiseve me të cilët kanë pasur konflikte familja e Ndokajt. Sipas traditës, ata pyetën secilën familje nëse kishte gisht në vrasjen e 48-vjeçarit.
Ata i kanë mohuar akuzat dhe janë shprehur të gatshëm të betohen për këtë me dorë mbi Bibël në kishë.
Nga ana tjetër policia dyshon se ngjarja lidhet me pozicionet politike të viktimës dhe konfliktet e shkaktuara prej këtyre të fundit.
