Për të gjithë ne ishte e papritur mbrëmjen e djeshme, kur Angela Martini dhe partneri i saj njoftuan se sapo ishin martuar një natë më parë.
Ishte fillimisht miliarderi rumun, Dragos Savulescu, ai i cili njoftoi përmes një postimi se tashmë çifti ishin zyrtarisht burrë dhe grua.
“Sapo u martova mbrëmë me femrën më seksi në botë. Kaq e pazakontë, kaq e çmendur! Jeta është kaq e mahnitshme dhe e bukur!”, shkroi Savulescu.
Në fotot që ka postuar nga martesa e tyre, modelja shqiptare Angela e quan partnerin e saj mashkullin e ëndrrave:
“Sapo u martova mbrëmë me mashkullin e ëndrrave të mia! Jeta jonë është një film dhe ne guxojmë ta jetojmë atë ashtu siç duam”.
Çifti ka disa kohë që jetojnë bashkë, janë mëse të lumtur dhe duket se janë mjaft të “çmendur”. Njësoj e çmendur besojmë se ka qenë dhe vendimi për t’u martuar në Las Vegas, ku modelja shqiptare është shfaqur me fustan të zi shumë të shkurtër e shumë seksi.
Por si u mor vendimi?
Ajo që kuptuam nga mbishkrimi në të dy postimet thuhet përmes hashtugut se ishte: një vendim brenda natës.
Ka disa raste kur përjashtohet thënia: Çfarë ndodh në Vegas mbetet në Vegas!
Burimi: Instagram
